PS-2: இயக்குனர் மணிரத்னத்தின் பிரம்மாண்டப் படமான பொன்னியின் செல்வன் 2, ஏப்ரல் 28ஆம் தேதி உலகமெங்கும் உள்ள திரையரங்குகளில் வெளியாக இருக்கிறது. இப்படத்தை மெட்ராஸ் டாக்கீஸ் மற்றும் லைக்கா புரொடக்ஷன் தயாரித்துள்ளது. இசைப்புயல் ஏ. ஆர் ரகுமான் இசையில் மிகவும் எதிர்பார்க்கப்பட்ட ‘சின்னஞ்சிறு நிலவே’ பாடல் வீடியோ கிளிம்ஸ் இன்று வெளியாகியுள்ளது. ‘சியான்’ விக்ரம் மற்றும் ஐஸ்வர்யா ராய் பச்சன் நடித்திருக்கும் இந்த வீடியோ ரசிக்கும்படியுள்ளது.
பொன்னியின் செல்வன் 2 இல் உள்ள ‘சின்னஞ்சிறு நிலவே’ பாடல் வரிகள் வீடியோ, இளங்கோ கிருஷ்ணன் எழுதிய வரிகளுக்கு ஹரிசரண் சேஷாத்ரி பாடியுள்ளார். மிகவும் எதிர்பார்க்கப்பட்ட இரண்டாம் பாகம் வெளியாக இன்னும் 10 நாட்களுக்கும் குறைவான நாட்களே உள்ள நிலையில், படத்திற்கான விளம்பரப் பணிகள் முழுவீச்சில் நடந்து வருகின்றன. ஏனெனில் நடிகர்கள் நாடு முழுவதும் உள்ள முக்கிய நகரங்களில் சுற்றுப்பயணம் செய்து வருகின்றனர்.
பொன்னியின் செல்வன் திரைப்படங்கள், தமிழ் எழுத்தாளர் கல்கி கிருஷ்ணமூர்த்தியின் அதே பெயரில் நாவல்களை அடிப்படையாகக் கொண்டு எடுக்கப்பட்ட படம். முக்கிய கதாபாத்திரங்கள் மற்றும் குழும நட்சத்திர பட்டாளங்கள், ஏ.ஆர்.ரஹ்மானின் இசை இவை அனைத்தும் தமிழ் சினிமா ரசிகர்களிடையே பேசுபொருளாக இருக்கிறது.
