Vijayakanth: பழம்பெரும் நடிகரும், அரசியல்வாதியுமான கேப்டன் விஜயகாந்த் சமீப காலமாக உடல் நிலை சிறந்த நிலையில் இல்லை. நவம்பர் 18 அன்று கேப்டன் உடல்நலக்குறைவு காரணமாக சென்னையில் உள்ள MIOT மருத்துவமனையில் அனுமதிக்கப்பட்டார். MIOT இன்டர்நேஷனல் மருத்துவமனை அவரது உடல்நிலையில் பின்னடைவு ஏற்பட்டுள்ளதாகவும், தொடர்ந்து சிகிச்சை தேவை என்றும் தெரிவித்தது.
பிரேமலதா விஜயகாந்த் ரசிகர்கள் மற்றும் தேமுதிக ஆதரவாளர்களிடம் கேப்டன் குணமடைந்து வருவதாக மருத்துவமனையில் இருந்து வீடியோ மற்றும் புகைப்படங்கள் மூலம் தெரிவித்துள்ளார். முன்னதாக சில பிரபலங்கள் அவரை மருத்துவமனைக்கு சென்று பார்த்தனர். இந்நிலையில் அவர் இன்று மருத்துவமனையில் இருந்து டிஸ்சார்ஜ் செய்யப்பட்டுள்ளார் என்பதுதான் லேட்டஸ்ட் ஹாட் செய்தி. இது மருத்துவமனை மற்றும் தேமுதிக கட்சியால் அறிவிக்கப்பட்டது. இந்த செய்தி தற்போது வைரலாகி வருகிறது.
சென்னை MIOT மருத்துவமனைகளில் சிகிச்சை பெற்று வந்த விஜயகாந்த் இன்று பூரண குணமடைந்து வீடு திரும்பினார்” என்று மருத்துவமனை ஒரு புதிய அறிக்கையைப் பகிர்ந்துள்ளது. நீண்ட நாட்களாக மருத்துவமனையில் சிகிச்சை பெற்று வரும் கேப்டன் விஜயகாந்த் உடல் நலம் தேறி வருவதால் ரசிகர்களும், கட்சி தொண்டர்களும் மகிழ்ச்சியும், நிம்மதியும் அடைந்துள்ளனர்.
