J Baby Trailer: பா.ரஞ்சித் இயக்குனராக மட்டுமின்றி தயாரிப்பாளராகவும் தனது பணிகளுக்காக அதிக விமர்சன ரீதியான பாராட்டைப் பெற்று வருகிறார். தமிழ் திரையுலகிற்கு பல நம்பிக்கைக்குரிய திறமையான கலைஞர்களை அறிமுகப்படுத்தியவர். இப்போது அவர் அறிமுக இயக்குனர் சுரேஷ் மாரியினின் ‘ஜே பேபி’ படத்தை மகளிர் தினமான மார்ச் 8 ஆம் தேதி வெளியிட தயாராக உள்ளார்.
‘ஜே பேபி’ படத்தில் ஊர்வசி, அட்டகத்தி தினேஷ், லொள்ளு சபா மாறன் ஆகியோர் முக்கிய வேடங்களில் நடித்துள்ளனர். படத்தின் அதிகாரப்பூர்வ ட்ரெய்லர் இன்று அறிமுகமானது, இதில் மூவரும் நகைச்சுவையான குடும்பமாக நடித்துள்ளார்கள். ஊர்வசி பேபியாக நடிக்கிறார், அவளது விசித்திரமான தன்மையால், தினேஷ் மற்றும் மாறன்னாகிய தன் மகன்களை இக்கட்டான சூழ்நிலைகளில் தள்ளுகிறார். இந்த படத்தை கோல்டன் ரேஷியோ பிலிம்ஸ் மற்றும் லிட்டில் ரெட் கார் பிலிம்ஸ் இணைந்து தயாரித்துள்ளது.
ட்ரெய்லரில் பாதி ‘ஜே பேபி’ நகைச்சுவை காட்சிகள், பேபி காணாமல் போகும் கட்சிகள் படத்தின் மற்ற பாதி முழுவதும் தங்கள் தாயைக் கண்டுபிடிக்கும் தேடலைப் பற்றியது. ‘ஜே பேபி’ தீவிரமான நகைச்சுவை மற்றும் உணர்ச்சிகளின் ரோலர் கோஸ்டராக இருக்கும் என்று உறுதியளிக்கிறது. இப்படத்திற்கு டோனி பிரிட்டோ இசையமைக்க, ஜெயந்த் சேது மாதவன் ஒளிப்பதிவு மற்றும் சண்முகம் வேலுசாமி படத்தொகுப்பு செய்துள்ளார்.
