Rathnam First Single: ஹரி இயக்கத்தில் விஷால் நடித்து வரும் ‘ரத்னம்’ படம் ரிலீஸுக்கு தயாராகி வருகிறது. கோடை விருந்தாக ஏப்ரல் 26 அன்று படம் திரைக்கு வரவிருக்கும் நிலையில், படக்குழுவினர் இந்த ஆல்பத்தின் முதல் சிங்கிள் பாடலை நேற்று வெளியிட்டனர்.
சென்னை விஐடி (VIT) கல்லூரியில் நடந்த கல்சரல் நிகழ்ச்சியில் விஷால் மற்றும் இயக்குனர் ஹரி உள்ளிட்ட ஒட்டுமொத்த குழுவினரும் முதல் சிங்கிள் பாடலை வெளியிட்டனர். இப்பாடலை தேவி ஸ்ரீ பிரசாத் இசையமைத்து பாடியிருக்கிறார், “டோன்ட் வொர்ரி மச்சி”, விவேகாவின் வரிகளில் ஒரு பெப்பி உற்சாகமான தொடக்கப் பாடல் இது. விஷால் மற்றும் யோகி பாபுவின் நடன அசைவுகள் இந்தப் பாடலை மேலும் ரசிக்க வைக்கிறது, இந்த பாடல் தற்போது வைரலாகி வருகிறது.
‘ரத்னம்’ படத்தில் விஷால், பிரியா பவானி சங்கர், சமுத்திரக்கனி, யோகி பாபு, கவுதம் வாசுதேவ் மேனன் மற்றும் பலர் நடித்துள்ளனர். படப்பிடிப்பு முடிந்து தற்போது போஸ்ட் புரொடக்ஷன் பணிகள் விறுவிறுப்பாக நடந்து வருகிறது. தொழில்நுட்பக் குழுவில் ஒளிப்பதிவாளராக எம்.சுகுமார், படத்தொகுப்பாளராக டி.எஸ்.ஜெய், கலை இயக்குநராக பி.வி.பாலாஜி, கனல் கண்ணன், பீட்டர் ஹெயின், திலிப் சுப்பராயன், விக்கி ஆகியோரின் சண்டைக்காட்சிகள் இடம்பெற்றுள்ளன.
