Wikki 6: இயக்குனர், தயாரிப்பாளர், பாடலாசிரியராக இருக்கும் விக்னேஷ் மறக்க முடியாத சில படங்களை தமிழ் சினிமாவிற்கு வழங்கியுள்ளார். கடந்த ஆண்டு, லைகா புரொடக்ஷன்ஸ், அஜித்தின் AK 62 என்று அழைக்கப்படும் அடுத்த படத்தின் இயக்குனர் விக்னேஷ் சிவன் என்று தற்காலிகமாக அறிவித்தது.
ஆனால் ஒருசில காரணங்களாலும் சமீபத்தில் மிகவும் எதிர்பார்க்கப்பட்ட ‘AK62’ திட்டத்தில் இருந்து விக்னேஷ் சிவன் நீக்கப்பட்டார். ஓரிரு வாரங்களுக்கு முன்பு தனது ட்விட்டர் புரோஃபைலில் “AK62 படத்தை நீக்கி ‘விக்கி6’ என்று மாற்றியதன் மூலம் அவர் உறுதிப்படுத்தினார். இப்போது, விக்னேஷ் சிவன் தனது அடுத்த படத்திற்காக மற்ற நடிகர்களிடம் பேச தொடங்கியுள்ளார் என்று ஆதாரங்கள் தெரிவிக்கின்றன.
அறிக்கையின்படி, விக்னேஷ் சிவன் சமீபத்தில் தனது அன்பு நண்பரும் நடிகருமான விஜய் சேதுபதியிடம் ஒரு ஸ்கிரிப்டை விவரித்தார். இது ஆக்ஷன் என்டர்டெய்னராக இருக்கும் என்று கூறப்படுகிறது. விக்கியும் விஜய் சேதுபதியும் ஏற்கனவே ‘நானும் ரவுடி தான்’ மற்றும் ‘காத்துவாக்குல ரெண்டு காதல்’ ஆகிய சூப்பர்ஹிட் படங்களில் இணைந்து பணியாற்றியவர்கள் என்பது குறிப்பிடத்தக்கது. தற்போது இருவரும் விக்னேஷ் சிவன் இயக்கத்தில் ‘விக்கி6’ படத்திற்காக இணைவார்களா என்று கேள்வி எழுந்தது வருகிறது.
