Kubera: தனுஷின் ‘D51’ படத்தின் டைட்டில் மற்றும் ஃபர்ஸ்ட் லுக் வெளியாகியுள்ளது

Kubera: தேசிய விருது பெற்ற இயக்குனர் சேகர் கம்முலாவுடன் தனுஷ் இணைந்து நடித்து வருகிறார். இந்த படத்தின் படப்பிடிப்பு கடந்த ஜனவரி மாதம் துவங்கியது. தற்காலிகமாக ‘D51’ என்று அழைக்கப்படும் இந்த படத்தின் தலைப்பு மற்றும் முதல் பார்வை இன்று மஹா சிவராத்திரியின் சிறப்பு நிகழ்வைக் குறிக்கும் வகையில் வெளியானது.

தனுஷின் பான்-இந்தியன் படமான ‘டி 51’ அதிகாரப்பூர்வமாக ‘குபேரா’ என்று பெயரிடப்பட்டுள்ளது, அதாவது இந்து புராணங்களின்படி கடவுள்களின் பொருளாளர். மிகவும் செல்வந்தரான நபர் பெரும்பாலும் ‘குபேரா’ என்று குறிப்பிடப்படுகிறார். ஆனால் பர்ஸ்ட் லுக்கில் தனுஷ் வறுமையில் வாடும் பிச்சைக்காரனாக காட்சியளிக்கிறார். சிவபெருமான், பார்வதி உணவு பிச்சை எடுக்கும் ஓவியத்தை ஃபர்ஸ்ட் லுக் பின்னணியில் காணலாம்.

படத்தின் ஃபர்ஸ்ட் லுக் போஸ்டர் மற்றும் வீடியோ வடிவில் படக்குழு வெளியிட்டது. இந்த படத்தில் ராஷ்மிகா மந்தனா, நாகார்ஜுனா அக்கினேனி மற்றும் ஜிம் சர்ப் ஆகியோர் முக்கிய வேடங்களில் நடித்துள்ளனர். ‘குபேரா’ மும்பை மாஃபியாவைப் பற்றிய கதை என்று கேள்விப்படுகிறோம். தொழில்நுட்பக் குழுவில் இசையமைப்பாளராக தேவி ஸ்ரீ பிரசாத் மற்றும் ஒளிப்பதிவாளராக நிகேத் பொம்மி உள்ளனர். இப்படத்தை ஸ்ரீ வெங்கடேஸ்வரா சினிமாஸ் மற்றும் அமிகோ கிரியேஷன்ஸ் இணைந்து தயாரிக்கிறது.