VJS 46: விஜய் சேதுபதியின் ‘கடைசி விவசாயி’ மற்றும் ‘மாமனிதன்’ ஆகிய படங்கள் விமர்சன ரீதியாகவும், ‘காத்து வகுல ரெண்டு காதல்’ மற்றும் ‘விக்ரம்’ பிளாக்பஸ்டர் ஹிட் படம் வசூல் ரீதியாக நல்ல வரவேற்பை பெற்றுள்ளது. மக்கள் செல்வன் விஜய்சேதுபதி நடிக்கும் 46 ஆவது படம் இந்த வருடத்தின் ஐந்தாவது வெளியீடாக இருக்கும் என்று தற்போது ஒரு சூடான செய்தி வெளிவந்துள்ளது.
Also Read: வாத்தி படத்தின் முதல் பாடலை தனுஷ் பாடும் வைரல் வீடியோ
பொன்ராம் இயக்கத்தில் இன்னும் பெயரிடப்படாத ‘VJS 46’ படத்தின் ரிலீஸ் தேதியை டிசம்பர் 2ஆம் தேதிவெளியிட சன் பிக்சர்ஸ் நிர்ணயித்துள்ளதாக தகவல்கள் வெளியாகியுள்ளது. படப்பிடிப்பு மார்ச் 2021 இல் தொடங்கி இந்த ஆண்டு பிப்ரவரியில் முடிவடைந்தது. விரைவில் டைட்டில் வெளியீட்டு அறிவிப்புடன் வெளியிடப்படும் என்று எதிர்பார்க்கப்படுகிறது.
VJS 46 படத்தில் விஜய் சேதுபதி மற்றும் அனுக்ரீத்தி வாஸ் ஆகியோர் முன்னணி கதாபாத்திரத்தில் நடித்துள்ளனர், புகழ், ஷிவானி நாராயணன் மற்ற முக்கிய கதாபாத்திரங்களில் நடிக்கின்றனர். டி. இமான் இசையமைக்க, தினேஷ் கிருஷ்ணன் ஒளிப்பதிவு செய்துள்ளார், விவேக் ஹர்ஷன் படத்தொகுப்பாளராக பணியாற்றியுள்ளார். இந்த படத்தில் விஜய் சேதுபதி கிராமிய போலீஸ் வேடத்தில் நடிப்பதாக கூறப்படுகிறது.
