Rajinikanth: போயஸ் கார்டனில் உள்ள சசிகலாவின் புதிய வீட்டிற்கு சூப்பர் ஸ்டார் ரஜினிகாந்த் திடீரென வருகை தந்தது சமூக வலைதளங்களில் பரபரப்பை ஏற்படுத்தியுள்ளது, இந்த சந்திப்பின் புகைப்படங்கள் மற்றும் வீடியோக்கள் தற்போது வைரலாகி வருகின்றன. தமிழக முன்னாள் முதல்வர் ஜெயலலிதாவின் நெருங்கிய தோழியான சசிகலா, போயஸ் கார்டனில் உள்ள அவரது புதிய இல்லத்தை சமீபத்தில் திறந்து வைத்தார்.
இந்த நிகழ்ச்சியில் பல முக்கிய பிரமுகர்கள் கலந்து கொண்டனர். போயஸ் கார்டனில் வசிக்கும் ரஜினிகாந்த் ‘வேட்டையன்‘ படத்தின் படப்பிடிப்பில் பிஸியாக இருந்ததால், இது வரை சசிகலாவின் புதிய வீட்டிற்கு சென்று வாழ்த்து தெரிவிக்க முடியவில்லை என்பதால், தற்போது சசிகலாவின் புதிய வீட்டிற்கு வாழ்த்து தெரிவித்ததோடு, வீட்டின் வடிவமைப்பையும் கோவிலுக்கு ஒப்பிட்டுப் பாராட்டினார், மேலும் அவருக்கு சிறப்பு பரிசும் வழங்கினார்.
இந்த சந்திப்பில் பேசும் போது அரசியல் குறித்து ஏதேனும் விவாதம் நடந்ததா என்ற கேள்விக்கு அரசியல் விஷயங்கள் எதுவும் பேசவில்லை என்று ரஜினிகாந்த் தெரிவித்தார். சசிகலாவின் புதிய வீடு அவருக்கு பெயர், புகழ், மகிழ்ச்சி மற்றும் அமைதியை கொண்டு வரும் என்று சூப்பர் ஸ்டார் ரஜினிகாந்த் நம்பிக்கை தெரிவித்துள்ளார்.
