Rathnam Trailer: ஹரி இயக்கத்தில் புரட்சி தளபதி விஷால் நடிப்பில் மிகவும் எதிர்பார்க்கப்பட்ட ஆக்ஷன் என்டர்டெய்னர் படமான ‘ரத்னம்’ ஏப்ரல் 26ஆம் தேதி திரைக்கு வருகிறது. ‘தாமிரபரணி’ மற்றும் ‘பூஜை’ ஆகிய சூப்பர்ஹிட் காம்போவின் மூன்றாவது படம் இது. இப்படத்தின் ட்ரைலர் பெரும் எதிர்பார்ப்புக்கு மத்தியில் இன்று இணையத்தில் வெளியானது.
1.5 நிமிட வீடியோவில் விஷால் மற்றும் பிரியா பவானி சங்கரின் காதல் இரு மாநிலங்களுக்கு இடையே நடக்கும் பிரச்சனையின் மையமாக உள்ளது. இந்த ட்ரெய்லர் பார்வையாளர்கலுக்கு சஸ்பென்சை உயர்த்தியுள்ளது. மேலும் தேவி ஸ்ரீ பிரசாத்தின் தென்றல் மெலடி ஸ்கோருடன் கூடிய உயர்-ஆக்டேன் அதிரடி காட்சிகள் இதில் உள்ளன.
விஷால், பிரியா பவானி ஷங்கர் தவிர யோகி பாபு, சமுத்திரக்கனி, கௌதம் மேனன், முரளி சர்மா, முத்துக்குமார் ஆகியோர் இருப்பது ட்ரெய்லருக்கு மேலும் வலு சேர்க்கிறது. படத்திற்கு எம் சுகுமார் ஒளிப்பதிவும், டிஎஸ் ஜெய் படத்தொகுப்பும், சண்டைக்காட்சிகளை கனல் கண்ணன், பீட்டர் ஹெய்ன், திலிப் சுப்பராயன், விக்கி ஆகியோர் செய்துள்ளனர். ஹரி மீண்டும் அதிரடியாக மாறியிருப்பது எதிர்பார்ப்பை அதிகப்படுத்தியுள்ளது.
