Kollywood: கமல்ஹாசன் மற்றும் ஷங்கரின் இந்தியன் மூன்றாம் பாகம் இருக்கும் என்று பல தகவல்கள் வந்தன. இந்நிலையில் இப்படத்தில் முக்கிய வேடத்தில் நடிக்கும் பாபி சிம்ஹா ஒரு பேட்டியில் கூறியதாவது, இரண்டாம் பாகத்துடன் மூன்றாம் பாகத்தின் படப்பிடிப்பும் நடைபெற்று வருகிறது என்றார், இத்துடன் மூன்றாம் பாகம் பற்றிய குழப்பம் முடிவுக்கு வந்தது.
சமீபத்திய பேட்டியில், இந்தியன் 2 மற்றும் இந்தியன் 3 பற்றிய சுவாரசியமான அப்டேட்டை கமல்ஹாசன் அளித்துள்ளார். அவர் கூறுகையில், “இந்தியன் 2 மற்றும் இந்தியன் 3 படப்பிடிப்பை முடித்துவிட்டோம், இந்தியன் 2 படத்தின் போஸ்ட் புரொடக்ஷன் பணிகள் தற்போது நடைபெற்று வருகின்றன. இந்தியன் 3 படத்தின் போஸ்ட் புரொடக்ஷன் பணிகள் இந்தியன் 2வுக்கான வேலைகளை முடித்தவுடன் தொடங்கும் என்றார்.
காஜல் அகர்வால், ரகுல் ப்ரீத் சிங், பிரியா பவானி சங்கர், சித்தார்த், சமுத்திரக்கனி, பாபி சிம்ஹா, பிரம்மானந்தம் மற்றும் பலர் முக்கிய வேடங்களில் நடிக்கின்றனர். ரெட் ஜெயண்ட் மூவிஸ் நிறுவனத்துடன் இணைந்து லைகா புரொடக்ஷன்ஸ் இப்படத்தை தயாரித்துள்ளது. அனிருத் ரவிச்சந்தர் இசையமைக்கிறார். இந்தியன் 2 மற்றும் இந்தியன் 3 ஆகிய இரண்டின் வெளியீட்டு தேதி அறிவிப்பு இன்னும் செய்யப்படவில்லை.
