Jailer 2: சில நாட்களுக்கு முன்பு ரஜினிகாந்த் நடித்த பிளாக்பஸ்டர் படம் ஜெயிலரின் இரண்டாம் பாகம் இருக்கும் என்று நாம் செய்திகள் படித்தோம். ஜெயிலரை இயக்கிய நெல்சன் ஜெயிலர் 2 படத்தையும் இயக்கவுள்ளார். அனால் இது வரை தயாரிப்பாளர்களிடமிருந்து அதிகாரப்பூர்வ அறிவிப்பு வரவில்லை. ஜெயிலரில் ரஜினியின் மருமகளாக நடித்த நடிகை மிர்னா மேனன் தனது வரவிருக்கும் பர்த் மார்க் படத்தை விளம்பரப்படுத்தும் போது ஜெயிலர் 2 பற்றி அதிகாரப்பூர்வமாக உறுதிப்படுத்தியுள்ளார்.
இதுகுறித்து மிர்னா மேனன் கூறுகையில், “சமீபத்தில் நெல்சன் சாரிடம் பேசினேன் ஜெயிலர் 2 படத்தின் ஸ்கிரிப்ட் வேலைகள் நடந்து வருவதாக அவர் என்னிடம் கூறினார். நான் ஜெயிலர் 2-ன் பாகமாக இருப்பேனா என்று எனக்குத் தெரியவில்லை. இது முழுக்க முழுக்க இயக்குனரின் விருப்பம். அவர் என் கதாபாத்திரத்தை நீட்டிக்க விரும்பினால் அதன் தொடர்ச்சியின் ஒரு பகுதியாக இருப்பேன் என்றார்.
ரஜினிகாந்த் தற்போது டி.ஜே ஞானவேல் இயக்கும் வேட்டையன் படத்தின் படப்பிடிப்பில் பிஸியாக இருக்கிறார். வேட்டையான் படத்திற்கு பிறகு லோகேஷ் கனகராஜ் இயக்கத்தில் நடிக்க உள்ளார் சூப்பர் ஸ்டார் ரஜினிகாந்த். எனவே, இந்த இரண்டு படங்களும் முடிந்த பிறகு ஜெயிலர் 2 தொடங்கலாம் என்று தெரிகிறது. ஜெயிலர் 2 படத்தை சன் பிக்சர்ஸ் தயாரிக்கவுள்ளது.
