Ajith: அஜித் தற்போது தனது அடுத்த படமான விடாமுயற்சி படத்தின் படப்பிடிப்பில்பிஸியாக இருக்கிறார். அவர் விரைவில் தனது மற்றொரு திரைப்படம் குட் பேட் அக்லியில் பணியாற்றத் தொடங்குவார். டோலிவுட் தயாரிப்பு நிறுவனமான மைத்ரி மூவி மேக்கர்ஸ் குட் பேட் அக்லியை மிகப்பெரிய அளவில் பிரம்மாண்டமாக தயாரிக்கவுள்ளது.
கோலிவுட்டின் சமீபத்திய செய்திகள்படி, இப்படத்தில் அஜித் மூன்று வித்தியாசமான தோற்றங்களில் நடிக்கிறார். சால்ட் அண்ட் பெப்பர் லுக் தவிர, கறுப்பு முடியுடன் இளமையான தோற்றத்திலும், சில பகுதிகளில் அஜித் காணப்படுவார் என கூறப்படுகிறது. இப்படத்தில் இயக்குனர் ஆதிக் ரவிச்சந்திரன் அஜித்துக்காக ஒரு கெட்டியான கேரக்டரைசேஷனை உருவாக்கியுள்ளதாக கூறப்படுகிறது.
கதாநாயகி குறித்த விவரங்கள் இன்னும் வெளியாகவில்லை. சில நாட்களுக்கு முன்பு இந்த பிரம்மாண்ட படத்தில் ஸ்ரீலீலா ஒரு முக்கிய பாத்திரத்தில் நடிப்பார் என்று ஒரு வதந்தி ஆன்லைனில் பரவியது, ஆனால் இன்னும் எதுவும் உறுதிப்படுத்தப்படவில்லை. இந்த படத்திற்ற்கு தேவி ஸ்ரீ பிரசாத் இசையமைக்கிறார். இப்படம் 2025 பொங்கலுக்கு வெளியாகும் என அறிவிக்கப்பட்டுள்ளது.
