Kollywood: அஜீத் குமார் ‘விடாமுயற்சி’ மற்றும் ‘குட் பேட் அக்லி’ ஆகிய படங்கள் ரசிகர்களை கவர தயாராகி வருகிறது என்பது நாம் அனைவரும் அறிந்ததே. ஆரம்பத்தில் மே மாதத்திற்குள் விடாமுயற்சி முடித்து ஜூன் மாதத்தில் குட் பேட் அக்லி படத்தை தொடங்குவது என்று திட்டமிடப்பட்டது. விடாமுயற்சி அக்டோபரில் வெளியிட திட்டமிடப்பட்டுள்ளது, குட் பேட் அக்லி 2025 பொங்கல் அன்று திரைக்கு வரும்.
ஆனால் சமீபத்திய முன்னேற்றங்களின்படி, ‘விடாமுயற்சி’ படத்தின் இறுதி ஷெட்யூலை விட ‘குட் பேட் அக்லி ‘ படத்தின் படப்பிடிப்பு விரைவில் தொடங்க உள்ளது. ‘குட் பேட் அக்லி’ படத்தின் முதல் ஷெட்யூல் மே முதல் வாரம் அல்லது இரண்டாவது வாரத்தில் ஹைதராபாத்தில் தொடங்கும் என்று வட்டாரங்கள் தெரிவிக்கின்றன. ‘ஜிபியூ’ படத்தின் முதல் ஷெட்யூலுக்குப் பிறகுதான் ‘விடாமுயற்சி’ படத்தின் நிலுவையில் உள்ள பகுதிகள் முடிவடையும் என்று தெரிகிறது.
மே 1ஆம் தேதி AK-யின் பிறந்தநாள் ஸ்பெஷலாக இந்தப் படங்கள் குறித்த சில ஸ்பெஷல் அப்டேட்களை எதிர்பார்க்கலாம். மகிழ் திருமேனி இயக்கத்தில் அனிருத் இசையில் லைகா புரொடக்ஷன்ஸ் தயாரிப்பில் உருவாகி வருகிறது ‘விடாமுயற்சி’ திரைப்படம். ஆதிக் ரவிச்சந்திரன் இயக்கத்தில் தேவி ஸ்ரீ பிரசாத் இசையில் மைத்ரி மூவி மேக்கர்ஸ் தயாரிப்பில் உருவாகி வரும் ஒரு ரேசி ஆக்ஷன் த்ரில்லர் குட் பேட் அக்லி.
