Thunivu box office collection: அஜித் நடித்த துணிவு திரைப்படம் இந்திய மற்றும் சர்வதேச சந்தையில் பாக்ஸ் ஆபிஸில் பெரும் வியாபாரம் செய்து வருகிறது. இப்படம் தற்போது உலகம் முழுவதும் பாக்ஸ் ஆபிஸில் 200 கோடி ரூபாய் வசூல் செய்ததாக செய்திகள் வருகிறது. இருப்பினும் தயாரிப்பாளர்கள் இதுவரை அதிகாரப்பூர்வ வசூல் ரிப்போர்ட் வெளியிடவில்லை. ஜனவரி 19 அன்று, இந்தியாவில் படம் வசூலில் சரிவைக் கண்டு 3 கோடிக்கும் குறைவாகவே வசூலித்தது. இருப்பினும், இது எதிர்பார்க்கப்பட்டதாகவும், வார இறுதியில் மீண்டும் வேகத்தை அதிகரிக்கும் என்றும் வர்த்தக அறிக்கைகள் தெரிவிக்கின்றன.
Also Read: விஜய் நடித்த வாரிசு படத்தின் பாக்ஸ் ஆபிஸ் 9-வது நாள் வசூல் ரிப்போர்ட்
செவ்வாய்க்கிழமைக்குப் பிறகு (ஜனவரி 17) துணிவு படம் வார நாட்களில் படிப்படியாக வசூல் சரிவைக் கண்டு வருகிறது. ஜனவரி 19 அன்று படம் இந்திய பாக்ஸ் ஆபிஸில் ரூ 2.75 கோடி வசூலித்ததாக வர்த்தக அறிக்கைகள் தெரிவிக்கின்றன. வார இறுதியில், குடும்ப பார்வையாளர்கள் திரையரங்குகளுக்கு வருவதால், வசூலில் ஏற்றம் இருக்கும் என்று எதிர்பார்க்கப்படுகிறது.
நேர்கொண்ட பார்வை மற்றும் வலிமை படங்களுக்குப் பிறகு, அஜித்குமார் மூன்றாவது முறையாக இயக்குனர் எச் வினோத் மற்றும் தயாரிப்பாளர் போனி கபூருடன் இணைந்தார். துணிவு படத்தில் அஜித் ஆண்டி ஹீரோவாக நடித்துள்ளார். இப்படத்தில் மஞ்சு வாரியர், அமீர், பவனி, சிபி, வீரா, ஜான் கொக்கன், ஜி.எம்.சுந்தர், பகவதி பெருமாள் ஆகியோர் முக்கிய வேடங்களில் நடித்துள்ளனர். போனி கபூர் தயாரித்துள்ள துணிவு படத்திற்கு ஜிப்ரான் இசையமைத்துள்ளார். படத்தின் ஒளிப்பதிவை நீரவ் ஷா கையாண்டுள்ளார்.
