Kollywood: ஜெய், ஐஸ்வர்யா ராஜேஷ் மற்றும் ஷிவதா ஆகியோர் புதிய காதல் நாடகமான ‘தீராக் காதல்’ என்ற படத்தில் இணைந்து நடித்துள்ளனர். இந்தப் படத்தை ‘அதே கண்கள்’ புகழ் ரோஹின் வெங்கடேசன் இயக்கியுள்ளார். தற்போது ‘தீராக் காதல்’ படத்தின் அதிகாரப்பூர்வ டிரெய்லரை நடிகர் ஜெயம் ரவி சமூக வலைதளங்களில் வெளியிட்டார்.
கணவன், அவனது மனைவி மற்றும் அவனது முன்னாள் காதலிக்கு இடையே நடக்கும் முக்கோணக் காதல் கதையைப் பற்றிய தீவிரமான உணர்ச்சிகரமான நாடகத்தை 2 நிமிடம் இருக்கும் டிரைலரில் காணலாம். இது ஒரு அன்பான காதல் படமாக இருக்கும் என்று உறுதியளிக்கிறது. டிரெய்லரில் உரையாடல்கள் நேர்த்தியாகவும் பொருத்தமாகவும் இருந்தன.
இந்தப் படத்தில் துணை வேடத்தில் அப்துல் லீ நடிக்கிறார். தொழில்நுட்பக் குழுவில் கலை இயக்குநராக ராமு தங்கராஜ் பணியாற்றியுள்ளார். வசனம் எழுத்தாளராக ஜி.ஆர்.சுரேந்தர்நாத் மற்றும் ஸ்டண்ட் மாஸ்டராக டான் அசோக் ஆகியோர் இடம் பெற்றுள்ளனர். ‘தீரா காதல்’ வருகின்ற மே 26ஆம் தேதி திரைக்கு வருகிறது.
