AK 61: அஜீத் குமாரின் ஆக்ஷன் த்ரில்லர் படமான ‘ஏகே 61’ கோலிவுட் மட்டுமின்றி இந்தியாவிலும் மிகவும் எதிர்பார்க்கப்பட்ட ஒன்றாகும். எச்.வினோத் இயக்கிய இந்தப் படத்தை போனி கபூர் பிரமாண்டமாக தயாரித்து வருகிறார். இன்னும் 40% படம் முடிவடைய நிலயில் உள்ளது இந்த திரைப்படம். அஜீத் தனது நீண்ட ஐரோப்பிய விடுமுறைக்குப் பிறகு வீடு திரும்பினார், விரைவில் படத்திற்கான தனது வேலையைத் தொடங்குவார் என்று எதிர்பார்க்கப்படுகிறது.
Also Read: Chess: செஸ் ஒலிம்பியாட் போட்டி சிறப்பு அழைப்பாளர்கள் – ரஜினி, அஜித்,கமல், விஜய்
இதற்கிடையில், ஹைதராபாத்தில் ‘ஏகே 61’ படத்திற்காக அமைக்கப்பட்ட பிரமாண்ட செட்களில் இருந்து கசிந்த வீடியோ கிளிப் மற்றும் புகைப்படங்கள் அஜித் ரசிகர்கள் வைரலாக்கி வருகிறார்கள். வங்கியின் திருட்டுக்கான மையமாக இந்த திரைப்படம் இருக்கும் என்ற விஷயம் அனைவருக்கும் தெரிந்ததே. வங்கியின் பெயர் கற்பனையாக இருந்தாலும், இந்த கட்டிடம் சென்னையில் உள்ள புகழ்பெற்ற மவுண்ட் ரோடு (அண்ணாசாலையில்) உள்ள எஸ்பிஐ வங்கி மற்றும் அதன் சுற்றுப்புறத்தை ஒத்திருக்கிறது.
மூத்த நடிகர் மகாநதி ஷங்கர் மற்ற துணை நடிகர்களுடன் போலீஸ் கெட்அப்பில் காணப்படுவது ரசிகர்களை உற்சாகப்படுத்தியுள்ளது. ஆகஸ்ட் மாத இறுதியில் அல்லது செப்டம்பர் மாதம் படப்பிடிப்பு முடிந்துவிடும் என்று எதிர்பார்க்கப்படுகிறது. நடப்பு 2022 தீபாவளிக்கு உலகம் முழுவதும் உள்ள திரையரங்குகளில் ‘ஏகே 61’ திரைப்படம் வெளியாகும் என்றும் ரசிகர்களுக்கு நம்பிக்கை உள்ளது.
