LEO: தளபதி விஜய் தற்போது இந்திய சினிமாவில் பரபரப்பாக பேசப்படும் படங்களில் ஒன்றான ‘லியோ’ படத்தின் படப்பிடிப்பில் ஈடுபட்டு வருகிறார். செவன் ஸ்க்ரீன் ஸ்டுடியோ மற்றும் தி ரூட் ஆகிய பேனர்களின் கீழ் லலித் குமார் மற்றும் ஜெகதீஷ் பழனிசாமி இணைந்து தயாரிக்கும் இப்படத்தை லோகேஷ் கனகராஜ் இயக்குகிறார்.
Also Read: Official: ஆதிபுருஷ் OTT உரிமைகள் இந்த ஸ்ட்ரீமிங் தளம் கைப்பற்றியது
விஜய்யின் பிறந்தநாளான ஜூன் 22 அன்று லியோ குறித்த மிகப்பெரிய அப்டேட்டை ரசிகர்கள் பெறுவார்கள் என்று தயாரிப்பாளர் லலித் குமார் சில மாதங்களுக்கு முன்பு தெரிவித்தார். அந்த தேதியில் படத்தின் ஃபர்ஸ்ட் லுக் போஸ்டர் மற்றும் கமல்ஹாசனின் குரல் வளத்துடன் கூடிய காட்சி ப்ரோமோ ஜூன் 22 அன்று வெளியிடப்படும் என்று தயாரிப்பாளர்கள் திட்டமிட்டுள்ளதாக தகவல்கள் வெளியாகின. தற்போது, படத்தின் முதல் சிங்கிள் பாடலை விஜய்யின் பிறந்தநாளில் வெளியிட லியோ குழு திட்டமிட்டுள்ளதாக சமீபத்திய தகவல்கள் தெரிவிக்கின்றன. சமீபத்தில் 1000+ நடன கலைஞர்களை வைத்து ஒரு பிரமாண்ட பாடலை படமாக்கியிருப்பது குறிப்பிடத்தக்கது, மேலும் அந்த பாடலை தளபதி விஜய் பாடியுள்ளதாக கூறப்படுகிறது. அனால் அதிகாரப்பூர்வ அப்டேட் வரும் வரை காத்திருக்கவும்.
இப்படத்தில் விஜய், த்ரிஷா, சஞ்சய் தத், அர்ஜுன் சர்ஜா, கௌதம் மேனன், மிஷ்கின், மேத்யூ தாமஸ், மன்சூர் அலிகான், பிரியா ஆனந்த், சாண்டி, ஜனனி, அபிராமி வெங்கடாசலம், பாபு ஆண்டனி மற்றும் பலர் நடித்துள்ளனர். இசை அனிருத், DOP மனோஜ் பரமஹம்சா, படத்தொகுப்பு பிலோமின் ராஜ், சண்டைக்காட்சி அன்பரிவ் ஆகியோர் இணைந்துள்ளனர். லியோ படம் அக்டோபர் 19 ஆம் தேதி உலகம் முழுவதும் திரைக்கு வருகிறது.
