Thalaivar 171: சன் பிக்சர்ஸ் தயாரிப்பில், நெல்சன் திலீப்குமார் இயக்கத்தில், அனிருத் இசையில் சூப்பர் ஸ்டார் ரஜினிகாந்த் நடித்து வரும் ‘ஜெயிலர்’ (Jailer) படத்தின் 80 சதவீத படப்பிடிப்பு நிறைவடைந்துள்ளது. மேலும் இப்படத்தில் மலையாள சூப்பர் ஸ்டார் மோகன்லால் மற்றும் கன்னட சூப்பர் ஸ்டார் சிவராஜ்குமார் ஆகியோர் நடித்திருப்பது ‘ஜெயிலர்’ படத்தின் முக்கிய அம்சமாகும்.
Also Read: அஜித்தின் துணிவு படத்தின் இரண்டாம் நாள் பாக்ஸ் ஆபிஸ் வசூல்
தற்போதைய புதிய செய்தி என்னவென்றால் ரஜினியின் ‘தலைவர் 171’ படத்திற்கான முன் தயாரிப்பு (Pre-production) பணிகள் தொடங்கியுள்ளன, மேலும் ஏற்கனவே ‘பணக்காரன்’, ‘மன்னன்’, ‘சந்திரமுகி’ மற்றும் ‘குசேலன்’ ஆகிய படங்களில் பணியாற்றிய மூத்த இயக்குனர் பி.வாசுவுடன் (P. Vasu) மீண்டும் இணைகிறார் ரஜினிகாந்த். ஏ.ஆர். ரஹ்மான் இசையமைக்கவுள்ள இப்படத்தை லைகா புரொடக்ஷன்ஸ் நிறுவனம் தயாரிக்கவுள்ளது. அதிகாரப்பூர்வ அறிவிப்பு பண்டிகை தேதியில் விரைவில் வெளியாகும் என எதிர்பார்க்கப்படுகிறது.
இதற்கிடையில் லைகா (Lyca Production) தயாரிப்பில் ஐஸ்வர்யா ரஜினிகாந்த் இயக்கும் ‘லால் சலாம்’ (Lal Salaam) படத்தின் படப்பிடிப்பை ரஜினி தொடங்குகிறார். இப்படத்தில் விஷ்ணு விஷால் மற்றும் விக்ராந்த் ஆகியோர் முக்கிய வேடங்களில் நடித்துள்ளனர், பழம்பெரும் நடிகை ஜீவிதா பல வருடங்களுக்குப் பிறகு தமிழ் சினிமாவுக்கு இப்படத்தின் மூலம் திரும்பியுள்ளார்.
