Varisu: வருகிற 2023 பொங்கல் விழா அஜித் மற்றும் விஜய் ரசிகர்களுக்கு சவாலான நாள் என்று தான் கூறவேண்டும். தளபதி விஜய் நடித்த ‘வாரிசு’ மற்றும் அஜீத் குமாரின் ‘துணிவு’ ஆகிய படங்கள் 12 ஜனவரி 2023 அன்று பாக்ஸ் ஆபிஸில் களமிறங்குகின்றன. இரு படக்குழுவினரும் தங்கள் ப்ரோமோஷன் நடவடிக்கைகளைத் தொடங்கியுள்ளனர், மேலும் ரசிகர்கள் இப்போது படங்களின் இசை வெளியீட்டிற்காக உற்சாகமாக உள்ளனர்.
Also Read: அட்லீ மனைவி பிரியாவின் வளைகாப்பு விழாவில் தளபதி விஜய் – வைரலாகும் புகைப்படங்கள்
வாரிசு ஆடியோ வெளியீட்டு விழாவில் தளபதி விஜய்க்காக பல்வேறு திரையுலகை சார்ந்த முக்கிய நட்சத்திரங்கள் ஒன்று சேர இருப்பதாக கூறப்படுகிறது. இதற்கிடையில், வாரிசு படத்தின் ஆடியோ வெளியீட்டு விழா டிசம்பர் 24 ஆம் தேதி சென்னை நேரு ஸ்டேடியத்தில் பிரம்மாண்டமாக நடைபெற உள்ளது. ஆதாரங்களின்படி, ‘தளபதி 67 மற்றும் 68 இயக்குனர்கள் லோகேஷ் கனகராஜ் மற்றும் அட்லி நிகழ்வில் விருந்தினர்களாக பங்கேற்பார்கள். மேலும் பல பெரிய பிரபலங்களுடனும் தயாரிப்பாளர்கள் பேச்சுவார்த்தை நடத்தி வருகின்றனர். வரும் சனிக்கிழமை நடைபெறும் இந்த விழாவை ‘பிக் பாஸ்’ புகழ் நடிகர் ராஜு ஜெயமோகன் தொகுத்து வழங்குகிறார்.
ஸ்ரீ வெங்கடேஸ்வரா கிரியேஷன்ஸ் பேனரின் கீழ் தில் ராஜு தயாரித்துள்ள வாரிசு படத்தை வம்ஷி பைடிப்பள்ளி இயக்கியுள்ளார். தமன் இசையமைத்திருக்கும் இந்தப் படத்தில் ராஷ்மிகா மந்தனா நாயகியாக நடிக்கிறார். ஹைதராபாத்தில் நடைபெறும் இந்த இருமொழி படத்தின் தெலுங்கு ப்ரீ-ரிலீஸ் நிகழ்வில் விஜய் கலந்துகொள்வார் என்றும், அதோடு டோலிவுட் நட்சத்திரம் பவன் கல்யாண் விழாவில் கலந்துகொள்வார் என்றும் கூறப்படுகிறது.
