Lal Salaam: சூப்பர்ஸ்டார் ரஜினிகாந்த், மகள் ஐஸ்வர்யா ரஜினிகாந்த் இயக்கும் ‘லால் சலாம்’ படத்தில் சிறப்பு வேடத்தில் நடித்துள்ளார் என்பது நாம் அனைவரும் அறிந்ததே. விஷ்ணு விஷால் மற்றும் விக்ராந்த் ஆகியோர் முக்கிய வேடங்களில் நடிக்கும் இப்படத்தில் கிரிக்கெட் பின்னணியில் ஒரு விளையாட்டு படமாக உருவாகி உள்ளது.
‘லால் சலாம்’ பொங்கல் அன்று திரைக்கு வரும் என முதலில் அறிவிக்கப்பட்டது ஆனால் சில பிரச்சனைகளால் ரிலீஸ் தாமதமானது. இப்படத்தின் தயாரிப்பாளர்களான லைகா புரொடக்ஷன்ஸ் தற்போது தங்களது அதிரடி படமான ‘மிஷன் அத்தியாயம் 1’ படத்தை பொங்கல் அன்று வெளியிட உள்ளது. இதற்கிடையில் லால் சலாம் படம் பிப்ரவரி 9 ஆம் தேதி உலகம் முழுவதும் திரையரங்குகளில் வரும் என்று தயாரிப்பாளர்கள் தற்போது தெரிவித்தனர்.
Namma THER THIRUVIZHA'ku Alappara kelappa neram vandhachu! 🤩 LAL SALAAM 🫡 hits the big screen 📽️✨ on February 9th 2024! Save the date! 🗓️#LalSalaam 🫡 @rajinikanth @ash_rajinikanth @arrahman @TheVishnuVishal @vikranth_offl @LycaProductions #Subaskaran @gkmtamilkumaran… pic.twitter.com/CbYHQ4J0sq
— Lyca Productions (@LycaProductions) January 9, 2024
படத்தின் வெளியீடு காதலர் தின வார இறுதியுடன் ஒத்துப்போகிறது. புதிய போஸ்டரைப் பகிர்ந்த லைகா “நம்ம தேர் திருவிழக்கு அலப்பற கேளப்பா நேரம் வந்தாச்சு! லால் சலாம் பிப்ரவரி 9, 2024 அன்று பெரிய திரைக்கு வருகிறது என்று அறிவித்தார்கள். இது தற்போது இணையத்தில் வைரலாகி வருகிறது. ஏ.ஆர்.ரஹ்மான் இசையமைத்துள்ள இத்திரைப்படத்தில் பல நட்சத்திர நடிகர்கள் உள்ளனர்கள்.
