Kanguva: சிறுத்தை சிவா இயக்கத்தில், சூர்யா நடிப்பில் உருவாகி வரும் ‘கங்குவா’ படத்திற்காக கடின உழைப்பில் ஈடுபட்டுள்ளார். இந்த படம் பல மாதங்களாக தயாரிக்கப்பட்டு தற்போது இறுதிக்கட்டத்தில் உள்ளது. அடுத்ததாக 10 மொழிகளில் வெளியாகவுள்ள ‘கங்குவா’ படத்தில் சூர்யா 10 விதமான கேரக்டர்களில் நடித்துள்ளதாக கூறப்படுகிறது. சூர்யாவின் கேரியரில் அதிக பொருட்செலவில் எடுக்கப்பட்ட படம் இது என்றும் கூறப்படுகிறது. 48 வயதாகும் சூர்யாவுக்கு இம்மாதம் 23ஆம் தேதி பிறந்தநாள் வருகிறது.
Also Read: பிரபாஸின் சலார் படத்தின் முதல் சிங்கிள் அறிவிப்பு எப்போது வர உள்ளது?
சூர்யாவின் “அன்பான” ரசிகர்களுக்கு பிரமாண்டமான பிறந்தநாள் விருந்தாக ‘கங்குவா’ படத்தின் டீசர் ஜூலை 23ஆம் தேதி வெளியாகும் என நம்பகமான வட்டாரங்களில் இருந்து செய்திகள் வந்துள்ளன. இயக்குனர் சிறுத்தை சிவா மற்றும் அவரது குழுவினர் ரசிகர்களை திருப்திபடுத்துவது மட்டுமின்றி இந்திய முழுவதும் பரபரப்பை உருவாக்க ஒரு கிளிப்பை கொண்டு வர கடுமையாக உழைத்து வருவதாக கூறப்படுகிறது.
தேவி ஸ்ரீ பிரசாத் இசையில் ‘கங்குவா’ படத்தை ஸ்டுடியோ கிரீன் நிறுவனம் தயாரித்து வருகிறது. இப்படத்தில் சூர்யா மற்றும் திஷா பதானி ஆகியோர் முக்கிய வேடத்திலும் யோகி பாபு, ரெடின் கிங்ஸ்லி, கோவை சரளா, ஆனந்தராஜ், மற்றும் கே.எஸ். ரவிக்குமார் துணை வேடங்களில் நடித்துள்ளார்கள்.
