Kollywood: நடிகை ஐஸ்வர்யா ராஜேஷ் நடிப்பில் இந்த ஆண்டு பல படங்கள் வெளியாக இருக்கிறது. அந்த வகையில், சொப்பன சுந்தரி, டியர், ரன் பேபி ரன், துருவ நட்சத்திரம், தீயவர் கொலைகள் நடுங்க, இந்தியன் 2, இடம் பொருள் ஏவல், மலையாளத்தில் ஹேர் ஆகிய படங்கள் இவர் நடிப்பில் இந்த ஆண்டு வெளியாகயுள்ள படங்கள். தற்போது ஃபர்ஹானா என்ற படத்தின் மூலம் ரசிகர்களை மகிழ்விக்க வந்துள்ளார். நேற்று வெளியான திரைப்படம் ரசிகர்களிடையே நல்ல வரவேற்ப்பை பெற்றுள்ளது. பெண்களை மையப்படுத்திய இந்தப் படத்தை தமிழில் மான்ஸ்டர் மற்றும் ஒரு நாள் கூத்து ஆகிய இரண்டு சூப்பர்ஹிட் படங்களை கொடுத்த நெல்சன் வெங்கடேசன் இயக்கியுள்ளார்.
தற்போது சமீபத்திய தகவல் என்னவென்றால், படத்தின் டிஜிட்டல் உரிமையை பிரபல OTT இயங்குதளமான சோனி லைவ் (Sony LIV) கைப்பற்றியுள்ளது. படத்தின் ஓப்பனிங் கிரெடிட்டின்போதும் இதுவே காட்டப்பட்டுள்ளது. ஒரு பெண் தன் குடும்பத்தை ஆதரிப்பதற்காக கால் சென்டர் வேலையில் சேருவதைப் பற்றிய படம். கால் சென்டரில் பணிபுரியும் வாடிக்கையாளர்களின் கற்பனைகளை மகிழ்விக்கும் படமாக இப்படம் இருக்கிறது. கால் சென்டரில் வேலை செய்யும் பெண்கள் சந்திக்கும் பிரச்னையை சுலபமாக எடுத்துக்காட்டியுள்ளது. இப்படத்தில் ஃபர்ஹனாவாக இருக்கும் ஐஸ்வர்யா ராஜேஷின் குடும்பத்தினர் அறிந்ததும் அவரது வாழ்க்கை தலைகீழாக மாறுகிறது. அப்போது அவள் என்ன செய்தாள் என்பது தான் படம்.
புகழ்பெற்ற இயக்குனர் ஸ்ரீ ராகவா, ஜித்தன் ரமேஷ், கிட்டி, அனுமோல் மற்றும் ஐஸ்வர்யா தத்தா ஆகியோர் முக்கிய வேடங்களில் நடித்துள்ளனர். ஜஸ்டின் பிரபாகரன் இசையமைத்துள்ள இப்படத்தை ட்ரீம் வாரியர் பிக்சர்ஸ் தயாரித்துள்ளது, இது தெலுங்கு, தமிழ் மற்றும் இந்தி மொழிகளில் தற்போது வெளியாகியுள்ளது.
