Chandramukhi 2: சூப்பர் ஸ்டார் ரஜினிகாந்த் நடிப்பில் 2004 ஆம் ஆண்டு வெளிவந்து மிக பெரிய பிளாக் பஸ்டர் ஹிட் கொடுத்த ஹாரர் படத்தின் இரண்டாம் பாகமான ‘சந்திரமுகி 2’ படத்தில் இயக்குனர் பி. வாசுவுடன் ராகவா லாரன்ஸ் இணைந்தார் என்பது நாம் அனைவரும் அறிந்ததே. வேட்டையன் வேடத்தில் ராகவா லாரன்ஸும், சந்திரமுகியாக கங்கனா ரனாவத் நடிக்கிறார்.
தற்போது, படத்தின் இறுதிக்கட்ட படப்பிடிப்பில் இருப்பதாக சமீபத்திய தகவல்கள் தெரிவிக்கின்றன. மே 17-ம் தேதி மைசூரில் இறுதிக்கட்ட படப்பிடிப்பு தொடங்கும் என்றும், 10 முதல் 15 நாட்கள் வரை படப்பிடிப்பு நடைபெறும் என்றும் வட்டாரங்கள் தெரிவிக்கின்றன. இந்த ஷெட்யூலைத் தொடர்ந்து 10 நாட்கள் நடக்கும் பாடல் காட்சியுடன் படப்பிடிப்பு முழுவதும் முடிவடைகிறது. அதோடு ஜூன் மாதத்திற்குள் தயாரிப்பு பணிகள் அனைத்தும் முடிவடையும் என்று கூறப்படுகிறது.
லைகா புரொடக்ஷன்ஸ் சார்பில் சுபாஸ்கரன் சந்திரமுகி 2 படத்தைத் தயாரிக்கிறார். செப்டம்பர் 15-ஆம் தேதி விநாயகர் சதுர்த்தி விடுமுறையில் பிரமாண்டமாக ரிலீஸ் செய்ய தயாரிப்பாளர்கள் திட்டமிட்டுள்ளதாகக் கூறப்படுகிறது. ரவி மரியா, கார்த்திக் சீனிவாசன் மற்றும் பலர் இப்படத்தில் நடித்துள்ளனர். தொழில்நுட்பக் குழுவில் இசையமைப்பாளராக எம்.எம்.கீரவாணி, ஒளிப்பதிவாளராக ஆர்.டி.ராஜசேகர், கலை இயக்குநராக தோட்டா தரணி, ஸ்டண்ட் மாஸ்டராக ரவிவர்மா பணியாற்றியுள்ளனர்.
