Varisu box office collection: தளபதி விஜய் நடித்த வாரிசு படம் உலக முழுவதும் சிறப்பாக திரையரங்குகளில் வசூல் செய்து வருகிறது. இப்படம் ரூ 210 கோடிக்கு மேல் வசூல் செய்து பாக்ஸ் ஆபிஸில் இன்னும் பலமாக ஓடிக் கொண்டிருக்கிறது. இது அவரது நட்சத்திர அந்தஸ்துக்கு ஒரு சான்றாகும். இப்போது, வார நாட்களில் பாக்ஸ் ஆபிஸில் நல்ல வசூலை ஈட்டி வருகிறது. வாரயிறுதியில் படம் மீண்டும் வேகத்தை அதிகரிக்குமா என்பதை பொறுத்திருந்து தான் பார்க்க வேண்டும். வாரிசு மற்றும் அஜித் குமார் நடித்த துணிவு திரைப்படங்கள் பாக்ஸ் ஆபிஸில் பெரும் போட்டியாக உள்ளது.
வாரிசு பாக்ஸ் ஆபிஸில் 9 வது நாளில், இந்தியாவில் (நிகரமாக) 5.30 கோடி வசூலித்ததாக மதிப்பிடப்பட்டுள்ளது. மேலும் வெளிநாடுகளிலும் குறிப்பாக இங்கிலாந்தில் இப்படம் பெரும் வியாபாரம் செய்து வருகிறது. வார இறுதி நெருங்கி வருவதால், வாரிசு வசூல் கணிசமான அளவில் அதிகரிக்கும் என்று எதிர்பார்க்கப்படுகிறது. தமிழகத்தில் மட்டும் இப்படம் தற்போது பாக்ஸ் ஆபிஸில் 150 கோடி ரூபாய் வசூல் செய்து சாதனை படைத்துள்ளது.
வாரிசு படத்தை வம்ஷி பைடிபள்ளி இயக்கியுள்ள ஒரு எமோஷனல் ஃபேமிலி என்டர்டெய்னர் படம். இப்படத்தை ஸ்ரீ வெங்கடேஸ்வரா கிரியேஷன்ஸ் சார்பில் தில் ராஜு மிகப்பெரிய பட்ஜெட்டில் தயாரித்துள்ளார். இப்படத்தில் ராஷ்மிகா மந்தனா, பிரகாஷ் ராஜ், சரத்குமார், பிரபு, ஜெயசுதா, யோகி பாபு, ஸ்ரீகாந்த் மேகா மற்றும் ஷாம் ஆகியோர் முக்கிய வேடங்களில் நடித்துள்ளனர். எஸ். தமன் இசையமைத்தார்.
