Leo: தளபதி விஜய் மற்றும் திரிஷா நடிப்பில் லோகேஷ் கனகராஜ் இயக்கத்தில் உருவாகி வரும் லியோ படத்தின் படப்பிடிப்பு கடந்த மாதம் காஷ்மீரில் தொடங்கப்பட்டது. மைனஸ் டிகிரி வெப்பநிலையையும் மீறி படப்பிடிப்பு முழு வீச்சில் நடந்து வருகிறது. இயக்குனர் மிஷ்கின் காஷ்மீரில் தனது பகுதிகளை முடித்துவிட்டு சில நாட்களுக்கு முன்பு சென்னை திரும்பினார்.
தற்போது லேட்டஸ்ட் தகவல் என்னவெனில், முக்கிய வேடத்தில் நடிக்கும் இயக்குனர் கௌதம் வாசுதேவ் மேனனும் தனது பகுதிகளை முடித்துவிட்டு வீடு திரும்பியுள்ளார். அடுத்த மூன்று முதல் நான்கு வாரங்களுக்கு விஜய், த்ரிஷா, சஞ்சய் தத் மற்றும் ஆக்ஷன் கிங் அர்ஜுன் ஆகியோர் இடம்பெறும் முக்கியமான காட்சிகள் பதிவு செய்யப்படும் என்று அணிக்கு நெருக்கமான வட்டாரங்கள் தெரிவித்துள்ளன.
‘லியோ’ படத்திற்க்கு அனிருத் இசையமைக்கிறார். தளபதி விஜய்யுடன் த்ரிஷா, சஞ்சய் தத், ஆக்ஷன் கிங் அர்ஜுன், மன்சூர் அலி கான், பிரியா ஆனந்த், மிஷ்கின், கௌதம் மேனன், மேத்யூ தாமஸ் மற்றும் சாண்டி போன்ற பல முக்கிய பிரபலங்கள் நடிக்கின்றனர்.
