Rajinikanth: நிதா அம்பானியின் நிகழ்ச்சியில் மகள் சௌந்தர்யாவுடன் ரஜினிகாந்த் கலந்து கொண்டார்

Rajinikanth: இந்திய தொழில் அதிபரான முகேஷ் அம்பானியின் மனைவி நிதா அம்பானி, நிதா முகேஷ் அம்பானி கலாச்சார மையா திறப்பு விழா (NMACC) நேற்று மார்ச் 31 அன்று மும்பையில் தொடங்கப்பட்டது. 2000 பேர் அமர்ந்து படம் பார்க்கக்கூடிய அளவிற்கு பெரிய திரையரங்கம், கலை நிகழ்ச்சி நடத்துவதற்கு ஏற்ற இடம் உள்ளிட்ட அனைத்தும் இந்த கலாச்சார மையத்தில் அமைந்துள்ளது. இது பாந்த்ரா-குர்லா வளாகத்தில் உள்ள ஜியோ குளோபல் மையத்தில் இருக்கிறது.

இந்த நிகழ்ச்சியில் பிரியங்கா சோப்ரா உள்ளிட்ட பல பிரபலங்கள் இதில் சிறப்பு விருந்தினராக கலந்துகொண்ட நிலையில் சூப்பர் ஸ்டார் ரஜினிகாந்த் கலந்து கொண்டார். அவரது மகள் சௌந்தர்யா ரஜினிகாந்தும் அழைப்பாளராக கலந்து கொண்டார். ரஜினியுடன் சௌந்தர்யா இருக்கும் புகைப்படத்தை சமூக வலைத்தளத்தில் பகிர்ந்து கொண்டார். “மும்பை வித் அப்பா டியர்ஸ்ட்.. ஆன்டி நீதா அம்பானியின் கலாச்சார மைய திறப்பு விழாவில்!!! புதிய தோற்றத்தில் செம்ம தலைவா (sic),” என்று சௌந்தர்யா ட்வீட் செய்துள்ளார்.

2019 இல், முகேஷ் அம்பானி சௌந்தர்யா ரஜினிகாந்தின் திருமணத்திற்கு வருகை தந்தார் மற்றும் அவரது மனைவி நிதா தம்பதிகளை ஆசீர்வதித்தார். முன்னதாக மும்பையில் நடந்த முகேஷின் மகள் இஷா அம்பானி மற்றும் ஆனந்த் பிரமல் திருமண வரவேற்பு நிகழ்ச்சியில் ரஜினியும் அவரது மனைவி லதாவும் கலந்து கொண்டனர். தற்போது நெல்சன் திலீப்குமார் இயக்கத்தில் ரஜினியின் அடுத்த திரையரங்கு வெளியீடு ‘ஜெயிலர்’. சன் பிக்சர்ஸ் தயாரிக்கும் இதற்கு அனிருத் ரவிச்சந்தர் இசையமைத்துள்ளார்.