AK 62: நடிகர் அஜித் தனது திரையுலகில் நடிப்பது மட்டுமில்லாமல் பைக்கிங் மற்றும் ரைபிள் ஷூட்டிங் மீதான ஆர்வத்தையும் வியக்கத்தக்க வகையில் கையாளுகிறார். அவர் நடிப்பில் தற்போது வரவிருக்கும் திரைப்படமான ‘AK 61’ இன் படத்தின் இறுதிகட்ட படப்பிடிப்பு தயாராகி வருகிறது, இது செப்டம்பர் இறுதியில் முடிவடையும் என்று கூறுகிறார். எச்.வினோத் இயக்கிய இப்படத்தை போனி கபூர் தயாரித்துள்ளார், இதில் சஞ்சய் தத், மஞ்சு வாரியர் மற்றும் பலர் முக்கிய நடிகர்களுடன் நடித்துள்ளனர்.
இதற்கிடையில், அஜித்தின் அடுத்த ‘ஏகே 62’ படத்திற்கான ப்ரீ புரொடக்ஷன் பணிகளும் நடந்து வருகின்றன, மேலும் படக்குழுவுக்கு நெருக்கமான வட்டாரங்களில் இருந்து சுவாரஸ்யமான தகவல்கள் அவ்வப்போது கசிந்து வருகின்றன. இந்தப் படத்தை விக்னேஷ் சிவன் இயக்க, அனிருத் இசையமைக்க, லைகா புரொடக்ஷன்ஸ் மெகா பட்ஜெட்டில் தயாரிக்கிறது.
Also Read: மார்க் ஆண்டனி படத்தின் ஃபர்ஸ்ட் லுக் போஸ்டரில் அசத்தும் விஷால்
‘ஏகே 62’ பற்றிய சமீபத்திய தகவல் என்னவென்றால், கதாநாயகியாக நடிக்க ஐஸ்வர்யா ராய் பச்சன்னை தேர்வு செய்யவுள்ளதாகவும், விக்னேஷ் சிவன் அவருடன் ஆரம்ப கட்ட பேச்சுவார்த்தை நடத்தினார் என்றும் கூறப்படுகிறது. விக்னேஷ் சிவன் மற்றும் நயன்தாரா தற்போது ஸ்பெயினில் வலம் வருவதால் நிச்சயமாக அவர் ஐஸ்வர்யா ராய்யிடம் தொலை பேசி மூலம் அணுகி இருக்கலாம் என்று கூறப்படுகிறது. அவர் நடிக்க வந்தால் 23 வருடங்களுக்கு பிறகு மீண்டும் அஜித்துடன் இணையவுள்ளார்.
கலைப்புலி எஸ் தாணு தயாரிப்பில் ராஜீவ் மேனன் இயக்கத்தில் 2000 ஆம் ஆண்டு வெளியான ‘கண்டு கொண்டேன் கண்டு கொண்டேன்’ படத்தில் அஜித் மற்றும் ஐஸ்வர்யா ராய் இணைந்து நடித்தனர். இருப்பினும் படத்தில் மம்முட்டிக்கு ஜோடியாக ஐஸ்வர்யா நடித்தார், அதே நேரத்தில் அஜித் தபுவுடன் காதல் செய்தார். தற்போது AK 62 படத்தில் ஐஸ்வர்யா ராய் நடித்தால் 23 வருடம் கழித்து மீண்டும் இணைவதால் ரசிகர்களின் எதிர்பார்ப்பு அதிகரிக்கும் என்று கூறிவருகின்றனர்.
